我哋去到泊好車就去買上山纜車嘅車票，再預備上山。大部份上山嘅乘客都帶住齊備嘅滑雪工具，我哋係小數唔滑雪嘅遊客。响纜車望落去見到越近山頂d樹 上積雪越厚。纜車好快就到咗高原樹冰站，我哋要再撘多一程纜車再上山。 站。未出站已經見到出面模糊一片，氣溫顯示出面只得零下10度，單憑自動門開關期間吹入嚟嘅風雪就知出面嘅天氣極其惡劣，商量後姑媽陪住洛洛响餐廳等，我 哋就出去映相。
做好防措施我哋就出去嘞，出面好大風雪，能見度極低，幾經辛苦申苦終於行到去地蔵王度，映咗幾張相就行番去車站附近睇樹冰，但因為實在太大風雪，睇 唔清楚樹冰個樣，所以放棄返入室內休息下，轉到姑丈姑媽出去。佢哋映完相天氣仍未好轉，所以我哋就決定搭番纜車到山腳。點知我哋上咗纜車無耐天氣居然好 轉，仲出埋太陽添，真係激死！
落到山腳我哋就去滑雪場附近嘅餐廳食午餐，本來不抱任何希望，點知又幾好食喎！
食完飯後我哋番咗酒店換衫，再出發到酒店附近另一滑雪場，租咗個雪兜俾洛洛玩。有咗上次響輕井澤玩雪兜嘅經驗，洛洛一d都唔驚，仲叫陪佢玩嘅姑丈有咁高去到咁高。玩到咁上下，我哋就返酒店休息，而姑媽姑丈就去溫泉街行下。
晚餐又係酒店提供，同尋日一樣都係麻麻哋，食完飯就浸溫泉，再返房休息啦。（day 11 完）
沒有留言:
發佈留言