今日第一站係即食麵發明記念館，車程大概一個鐘左右就到，去到其實仲早，但已經人頭湧湧，原來今日係日清嘅吉祥物，黃色雞仔嘅生日，入場睇咗一陣歴使資料館之後就排隊整杯麵，雖然條人龍好長，但好彩唔係排咗好耐就有得玩。入到去用¥300買咗個杯麵嘅杯，幫個杯設計好圖案後再拎去入麵，加配料同湯料，最後再包裝好就完成，全程參與睇住自己嘅杯麵𧩙生，好得意好好玩。整完杯麵响記念品店買咗小小記念品就要走喇。
下一站就係去機場附近嘅outlet行街街。行街之前梗要食飽先，我哋去咗outlet附近嘅商場食lunch。今餐都係大户屋，勝在平靚正兼有保証，d嘢ok好食，食飽就行100円店同outlet，100円円店收獲唔錯，不過outlet就無乜收穫，匆匆忙忙行完街就揸車去入滿油，再揸去機場還車。
Toyota機場店真係好難揾，要兜幾個圈先揾到，還咗車仲要撘 shuttle bus去teminal 2。由於揾路嘥咗半個鐘，轉shuttle bus 又嘥咗半個鐘，去到 Peach 嘅counter checkin 就比原定足足遲咗1個鐘，好彩預鬆咗時間，如果唔係實miss咗班機。check in咗就用極速食晚餐，然後就預備上機。
我哋返香港係撘 Peach，座位較窄，不過空姐好好人，見翹翹有d扭計就用摺紙同紙杯晝公仔氹佢，令我對呢間廉航加唔少分。3個幾鐘就返到香港喇，下一次去日本要出年暑假喇!
（全文完）
