雪國漫遊 day 15 2010-01-23

今日係哩個trip最後一日，下晝機返香港，所以無乜行程，起身食咗早餐就check out，帶埋行李去 Sunshine City Price Hotel 寄存，由於之前應承朋友買d士多啤梨返香港做手信，所以我就去買，而洛洛就由爹爹帶去玩具反斗城玩。買完士多啤梨就一齊搭limousine 去機場，再搭飛機返香港，結束15日日本之旅啦。

雪國漫遊 day 14 2010-01-22

梳洗早餐後我哋又出動。今日無乜行程，主要係行吓街shopping。第一站就去之前應承咗洛洛要去既Toyota showroom，去到都係剛剛開門，無乜人玩。洛洛玩到唔捨得走，不過我地都要同d車車講byebye啦，因為我哋要去食lunch喇！

我 哋今餐食壽司，去到涉谷已Mark City 嘅壽司店已經大排長龍，我地一家三口排對，姑媽姑丈就行一陣街街。排咗差唔多半個鐘終於有得食啦。我哋坐定研究完menu就會人叫咗一個set，等咗一陣 子終於有得食啦，成個set好多嘢食，附送沙律，茶碗蒸同甜品，好好味。食道飽都攬住個肚走。

食完飯我哋就分道揚鑣，我地一家三口就行原宿涉谷。由於正值大減價，d衫真係好平，收穫幾豐富。行完街街就返酒店放低d戰利品，join埋姑媽姑丈一齊食晚飯。今晚係全個trip最後一晚，我地一就去咗食燒肉放題，食飽就晌池袋遊蕩，行都攰先捨得返酒店休息同執行李

雪國漫遊 day 13 2010-01-21

跟住哩3日我哋會係東京。一早起身，梳洗早餐後我哋就去Toyota攞車，再出發去橫濱。第一站我哋去咗麵包超人館，未入到去洛洛已經好興奮，因為佢晌門口已經見到好多麵包超人既角色迎接我哋，入到去洛洛直頭開心到儍咗，不斷地走嚟走去。館裡面有個遊戲室要比錢入去，不過要￥1000一個人，我哋覺得唔低所以無入到去。不過基本上晌出面已經好多嘢玩，玩到洛洛唔捨得走，而我哋當然亦都走唔甩，買咗唔小麵包超人嘅產品啦！

幾經辛苦逃離麵包超館，我哋去咗附近既超級市場同西松屋行咗一陣，就去咗橫濱紅磚倉庫行吓同食lunch， 紅磚倉庫食嘢普遍都幾貴，左揀右揀最後我哋去咗樓上既bar食午餐。話就話係bar，但係坐得好舒服，而且d食物既價錢算係幾低，一個 set lunch 平均都係￥1500左右，我哋分別叫咗燒雞套餐，牛扒同海鮮意粉。食完頭盤既沙律，就上main couse喇，咦？點解個 waiter 推個爐嚟既？原來個燒雞係焗好再即場燒香層皮先上菜！嘩，好好味呀！哩一餐真係食得好滿足，而且由唔貴。食飽再行多一陣橫磚倉庫，就去下一站喇。

下一站係 Happy Lawson。佢同一般 Lawson既分別係以 Miffy做主題，有好多Miffy賣，仲有一個小小既室內 playground 比小朋友玩。洛洛晌 playground 玩得好開心，而我亦買 Miffy 買得好開心。

開始天黑喇，係時候返市中心喇。返到東京見仲未夠鐘還車，我哋就去咗上野行街買手信，先再揸車返池袋還車。還咗車又係時候食晚餐，今晚我哋晌酒店樓下食個好好味（亦都好味精）既拉麵，晌池袋夜遊一陣，再去食壽司。 食到飽飽就返酒店休息喇！