今日天氣好好，籃天白雲。早餐後 check out，先去富良野最後一站 - 彩香之里。彩香之里規模較細，但個人應為ｄ薰衣草開得重靚過富田農場，由於彩香之里嘅薰衣草田依山而種，所以好輕易咁映到人在花田嘅感覺，映完靚相我哋就離開富良野，出發去美瑛。
往美瑛途中經過美馬牛駅，落車映吓相参觀吓呢個無人之駅，美馬牛哩個地方好特別，連一個小小嘅車站都可以咁靚咁詩情畫意。我哋映完相，逗留咗一陣就上車去四季彩之丘。
四季彩之丘占咗成個山頭，好大，好多花！我哋慢慢行，不斷咁映拍相，行完之後雖然滿腳泥塵，但真亳不介意。走之前仲食咗個好好味嘅南瓜雪糕同牛油薯仔，再上路去美瑛。
離開七彩繽紛嘅四季彩之丘，我哋好快到咗美瑛。美瑛同富良野感覺好唔同，富良野較人工化而美瑛較淳樸寧靜，我自己就鐘意美瑛多ｄ。我哋根據 map code 揾到聖誕之木同親子之木，期間仲俾哋見到一大片油菜花農田，襯埋籃天做背景，係我全個 trip 最 impressive 嘅風景！
離開油菜花田，啟程去旭川，其閒見到一大片唔同綠色併合嘅農田，風景好靚，感覺好舒服，又忍唔住落車映相，之後再依依不捨地離開美瑛。
到旭川為咗一嘗好出名嘅蔥拉麵，食完我哋就走嘞，事關我哋仲要趕住返小樽。
返到小樽都係４點幾，我哋係第二次嚟小樽，上次係冬天，落好大雪，同今次感覺好唔同，我哋沿住堺町行，途經 La Tao 買咗布甸食，仲買咗好多朱古力做手信。一路行去小樽運河，映吓相，就去食晚飯喇！
我哋今晚去政壽司食飯，途經已荒廢嘅手宮線跡地就落車映吓相。映完相行多兩部就到政壽司，政壽司一ｄ都唔平，不過真係幾好味，我叫幾個壽司定食，響螺刺身同吞拿魚腩壽司，埋單盛惠２萬２千円。食飽就返札幌。返到去都11點幾，check in 咗即刻休息。
