今日我哋會離開東北，返去東京。酒店食在早餐就出發啦。車越往南走周圍嘅樹木就越青綠，真係有d唔捨得白茫茫嘅雪境。我哋下一站係栃木縣既佐野 Premium Outlet，由於路程都幾遠，我哋都途中有停下車休息下。
經過差唔多4個鐘頭車程我哋終於到咗目的地，泊好車我哋就先去food court 食 lunch。午餐食咗簡單嘅烏冬，就開始行 outlet 放血。Outlet面積好大，裡面d牌子大部份香港人都會識，價錢都好低，例如一件x girl嘅薄褸唔使￥5000，一條beams boy既one piece 都係￥3000，但係就要有心機慢慢摷。經過一輪搏殺之後，我哋既收獲都幾豐富，唔經唔覺以經天黑，係時候反東京喇。
由佐野到東京既車程唔遠，不過返到首都圈就有少少塞車，大約1個多d就去到池袋。我哋先酒店卸低行李，由姑媽姑丈去還咗載住我哋11日，縱橫東北既車（有d唔捨得添！）。再check in 上房喇。
我哋跟住個兩晚會住晌 The B Hotel Ikebokuro，一間幾新嘅酒店，房唔算好大，不過張床夠哂一家三口睡有餘，而且乾淨企理，又近JR，啱哂我哋哩d行街精，唯一可以講就係浴室無浴缸，只可以淋浴，不過就算有浴缸我哋都未必會浸啦！
安頓好d行李係時候出去食晚餐喇，今晚食又平有好味既 Pepper Lunch，食飽就行一陣食完先晌池袋行下，跟住返酒店休息喇！
（day 12 完）
沒有留言:
發佈留言