2014年3月22日星期六
三儍襲九州 day 7 13/7/2013
今日最後一日喇，下畫就要返香港，所要今日要用盡佢。一早起身食完早餐執好行理就出去，我哋一家5口去行街，而其他人就去食一蘭食拉麵。為咗爭取時間shopping，我哋去到福岡駅隔離嘅百貨公司等佢開門，一夠鐘開門就入去行行行買買買，由於之前已經做定research知道自己鐘意嘅牌子邊度有舖，再加上正值7月大減價，雖然時間唔多，但都以超低價買到好多鐘意嘅靚衫。
行完係時間食飯，我哋上百貨公司嘅餐餐樓層。嘩！好人呀！我哋因為趕住pick up d行理出機場，所以㨂咗間比較少人嘅舖食蕎麥麵，好彩都幾好食。食完就去攞車扲行李出機場喇。
好彩去機場嘅路程好短，好快就到，我哋滙合埋姑丈姑媽佢哋，還咗車就check in上機返香港喇。九州好好玩，我哋會再番嚟架！
(全文完）
三儍襲九州 day 6 12/7/2013
呢個遊記拖咗大半年先繼續寫，原因係yahoo blog要摺埋，要搵新地方搬，之後又忙到暈；一拖再拖眼見就嚟又去旅行，所以的起心肝寫埋佢。
話說酒店張床真係細到無朋友，再加上三隻怪獸極之反瞓，有瞓等如無瞓嘅情況下模模糊糊起身食早餐，同幾隻嘢裝身後就出門口。我哋而家去食晏，無睇錯，係食晏，因為我哋去一間好出名嘅燒肉店食佐賀牛，所以要早d去攞位，我哋途經超市，見有小d時間就貢入去買手信同飲品。之後繼續起行，12點左右就到咗季樂喇!
去到其實已經大排長龍，我哋等咗大概半個鐘先有得入，入到去坐定定就叫嘢食，一場嚟到哽係要食好d，我哋叫咗2份family特盛，每份都係¥15000有找，除開每人4仟円就食到佐賀牛，低！d嘢食嚟喇,原來除咗佐賀牛外,仲有雞,牛肉腸同菜,個set另配白飯同前菜。d牛肉好靚，起曬雪花，燒完入口即溶，牛味又濃，其他食材都好新鮮，就連醃菜白飯都好好味，都係果句，咁嘅質數嘅燒肉響香港都好難食到，而家咁嘅價錢食到真係超值！
食飽飯又係時候做運動，我哋揸車大概10分鐘就到附近嘅鳥栖Premium Outlet,嗰度好多香港熟口熟面嘅牌子都有，就連好出名嘅餐具響嗰度都有outlet shop。一入去我哋沈淪咗入去唔同嘅舖頭入面，博殺咗幾個鐘嘅結果係買咗大量童裝女裝，連袋都買咗2個。行到又攰又熱就走喇，下一站去大mall行，嗰度有超市有街行，行到咁上下就去food court食晩餐，d嘢都ok好食，由於今日好攰，所以食完就番酒店休息喇！
（day 6完）
話說酒店張床真係細到無朋友，再加上三隻怪獸極之反瞓，有瞓等如無瞓嘅情況下模模糊糊起身食早餐，同幾隻嘢裝身後就出門口。我哋而家去食晏，無睇錯，係食晏，因為我哋去一間好出名嘅燒肉店食佐賀牛，所以要早d去攞位，我哋途經超市，見有小d時間就貢入去買手信同飲品。之後繼續起行，12點左右就到咗季樂喇!
去到其實已經大排長龍，我哋等咗大概半個鐘先有得入，入到去坐定定就叫嘢食，一場嚟到哽係要食好d，我哋叫咗2份family特盛，每份都係¥15000有找，除開每人4仟円就食到佐賀牛，低！d嘢食嚟喇,原來除咗佐賀牛外,仲有雞,牛肉腸同菜,個set另配白飯同前菜。d牛肉好靚，起曬雪花，燒完入口即溶，牛味又濃，其他食材都好新鮮，就連醃菜白飯都好好味，都係果句，咁嘅質數嘅燒肉響香港都好難食到，而家咁嘅價錢食到真係超值！
食飽飯又係時候做運動，我哋揸車大概10分鐘就到附近嘅鳥栖Premium Outlet,嗰度好多香港熟口熟面嘅牌子都有，就連好出名嘅餐具響嗰度都有outlet shop。一入去我哋沈淪咗入去唔同嘅舖頭入面，博殺咗幾個鐘嘅結果係買咗大量童裝女裝，連袋都買咗2個。行到又攰又熱就走喇，下一站去大mall行，嗰度有超市有街行，行到咁上下就去food court食晩餐，d嘢都ok好食，由於今日好攰，所以食完就番酒店休息喇！
（day 6完）
訂閱：
文章 (Atom)