今日我哋去市郊，我哋第一個目的地係深大寺。早餐後就搭JR站到新宿，再轉京王線到達調布市，去到調布已經見到好多鬼太郎嘅公仔，巴士又有，燈柱又有。果然係調布市嘅名物。
去 深大寺要再轉巴士，响巴士站等咗一陣就有車嘞。車程其實唔長，不過巴士行得好慢，所以差唔多半個鐘先到。深大寺最出名就係鬼太郎茶屋，雖然我哋唔係特別鐘 意鬼太郎，但响度映吓相都幾得意，再行埋ｄ手信街，就入寺行吓，映吓相。見差唔多肚餓，就食 lunch。lunch 食呢到好出名嘅蕎麥麵，老實講，我就覺得呢餐好麻麻。食飽就去下一站，浸溫泉嘞。
由深大寺行去浸溫泉唔係太遠，要穿過民居，行咗大概十１５分鐘就到嘞，不過點解咁靜嘅？原來今日休息？！真係好失望，唯有原路行番去深大寺再撘車到吉祥寺。
等巴士等咗半個鐘，坐巴士坐咗大半個鐘，摔之去到吉祥寺嘞，我哋行咗陣01city同無印，就向住井の頭公園行，沿路好多小舖，感覺幾優閒，但因浸唔到溫泉，覺得硬係嘥咗ｄ時間咁，所以無乜心機再慢慢行，寧願爭取時間去上野買手信。
我 哋搭番JR落上野，到二木の果子買咗ｄ零食做手信，就番池袋。今晚我哋食蟹放題，到池袋先到餐廳預約，再番酒店放低ｄ嘢，休息一陣欣賞吓日落就出門口。由 於時間尚早，响東武行咗陣先去餐廳。去到餐廳發現有ｄ唔妥，點解成８點一個客都無，嘅然嚟到，之前又預約咗就點都會响度。我哋一叫咗個放題，但原來所謂放 題只係任食蟹，但唔包括其他料理，ｄ蟹咁高旦白質，齋食蟹個胃會好辛苦，加上ｄ蟹好咸，食咗一轉已經唔想再食，好彩放題包一碗蟹粥，叫做好味ｄ。我哋由８ 點鐘坐低至９點零鐘埋單走人，除咗我地之外間舖一個客都無，可想而知呢間嘢幾唔惦，唔好以為呢餐平呀，埋單都要成1萬1千幾円，真係又貴又唔好食！食完飯 返酒店執行理，預備聽日走喇！
(day4 完)
