雪國漫遊 day 10 2010-01-18

一早起身梳洗後就去広間食早餐，食完就返房執嘢check out 啦。由於好多住客同時check out，所以都要等一陣，check out 完等緊職員幫我哋送d行李出去時旅館嘅職員仲送咗幾張明信片俾我哋同榶果俾洛洛。

順利搬咗行李上車，出發到下一站，山寺喇。山寺同銀山好近， 半個鐘多d嘅車桯就到嘞！搵地方泊好架車就開始上山嘞。

山寺顧名思意就係依山而建嘅寺廟群，而最出名係嗰仟幾 級嘅樓梯，對一般人嚟講呢千幾級樓梯可能濕濕碎， 但對我哋呢d少運動又帶住個未夠三歲嘅豆釘嘅人就好有難度。 初初嗰段大家都行得幾快，但行到咁上下洛洛開始。 ，我哋都有停低休息下。山寺風景好靚，好恬靜舒服， 我哋途中都映咗好多相。行吓停吓，我哋摔之上到最高嘅嚴瑞寺， 由上面腑瞰山腳，景色就好似幅畫得好細緻嘅水墨畫，好靚！

映完相見時間唔早就開始落山，落比上山快好多，好快我哋就已經到咗山腳，仲响小賣店買咗d紀念品先走。今日洛洛真係好叻，因為嗰千幾級樓梯上落都係自己行，而且無乜扭計，真係低錫。

行完山我哋就響山腳嘅食店食咗個稍遲嘅午餐，再出發到蔵王。

上車後因為大家都好勞累，所以好快就瞓着咗， 瞓醒就已經進入蔵王山區啦。 搵到旅館泊好車就拎埋行李去check in。當初plan行程嗰陣最想住嘅係蔵王四季酒店， 但唔知點解我哋入住嗰兩晚都俾人包咗，最後唯有住佢嘅姐妹旅館。 房間都係一般溫泉旅館格局， 我哋settle好就先去沖涼同浸一陣溫泉，溫泉水好熱， 不過就好舒服。浸完溫泉就去餐廳食晚餐，晚餐又係日式料理， 不過比之前嘅分量同質量都差d，食完就返房休息啦。