今日係最後一日响東京，瞓醒覺就去食早就去食早餐。需然話早餐係酒店包埋，但一d都唔失禮，款式比一般同品牌嘅商務酒店多好多，除咗西式嘅麵包腸仔蛋，日式嘅麵鼓湯白粥漬物外，仲有自助烤魚、釜飯同埋其他熱盤。食到飽飽就返房整理好行李check out喇。
今日係最後shopping嘅機會，哽係要儘情行夠佢啦，我哋响池袋行咗Tokyu Hand、藥房、百貨公司等，中場休息時間我哋就去咗西武樓上嘅美登利食迴轉壽司。雖然要排隊，但都好值得，因為d壽司真係好好味，好新鮮，而且價錢比壽司店食嘅平咗一截。食飽我哋就要趕路喇。
由於我哋聽日會早機返香港，所以今晚我哋會去成田市瞓一晚，方便聽日一早去機場。我哋用埋最後一日嘅pass搭NEX去成田，到咗今晚住嘅Comfort Hotel 放低行李之後就再出去行街。
我哋要行嘅AEON Mall 同酒店有d 距離，要搭巴士先去到。我哋响Aeon Mall唔覺唔覺行到晚飯時間就食晚餐喇。今晚食打邊爐放題牛肉同豬肉都係任點食，另外仲有自助蔬菜/甜品bar，d 嘢都幾好食，不過就唔算平，食飽就就返酒店執行李休息喇。
（Day 7 完）
今日一早起身就就check out，趕電車到機場，順利check in 之後就等上機，上機食過幾好味嘅早餐，抖陣睇下戲好快就到香港喇。
(全文完）
