今日一早起身食完簡單早餐之後就check out。第一站我哋白兔海岸，呢度有好靚嘅沙灘同海岸線，仲有一個小神社白兔神社，雖然風景好靚，但因為太陽太猛天氣太熱，映完相睇多陣風景就上車走喇！
跟住嘅時間我哋就揸車去大山玩。第一站我哋去摘藍莓。由鳥取揸去大山嘅小林觀光藍莓園大概個半鐘左右。入場費大人500円小朋友300円，不限時間响園內任摘任食。俾咗入場費職員就帶我哋去藍莓田，教我哋點揀熟嘅藍莓同點摘就俾我哋自己慢慢摘。雖然三儍唔係特別鍾意食藍莓，不過呢度啲藍莓都幾清甜，而且又有得食又有得玩，三儍都好開心。不過因為天氣好熱玩左半個鐘就已經成身汗，所以我哋就決定離開啦。
下一站我哋就去牧場大山牛奶之里食午餐，原本我哋想食燒肉，不過去到餐廳所有燒肉套餐已經賣哂，好彩牧場有另一間食西餐嘅餐廳可以俾我哋去食午餐。我哋坐叫兩份兒童餐、蟹肉意粉，pizza同牛扒餐，d嘢食味道唔，出乎意料地好食。食飽飽就諗住去睇下d牛放牧，不過唔知係咪天氣太熱，d牛全部响牛舍無出嚟，我哋唯有响牧場四圍行下映下相，再响土產店試下呢度出產嘅牛奶同埋食牛奶雪糕就走喇。
因為牧場好快行完多咗d時間，所以我哋就去左一個鐘車程嘅花迴廊。呢度同之前d景點一樣遊客有入場費優惠。花迴廊係西日本最大既植物公園，裏面好大，有好唔同種類嘅花睇，今日唔知係咪平日，無乜遊客，雖然三儍對d花無乜興趣，但有咁大地方俾佢哋跑嚟跑去都好開心。個花迴廊風景最靚嘅地方應該係花之丘，成個山丘種滿黃色同紫色嘅花，加埋藍天白雲同大山做背景，影相出嚟真係好靚。
影完相我哋就離開，揸車去米子市途中有一個秘密景點，就係龍貓森林（小原神社），呢個小型森林响農田中間，仲有個小小嘅神社，就好似龍貓住嗰個森林一樣。三儍有睇過龍貓，所以對呢個景點都好有興趣，不停咁問龍貓係咪會走出嚟。由於週為係農道，無乜位可以泊車，所以我哋落車映幾張相就走喇。
我哋之後就揸車去今晚嘅酒店，酒店响車站附近，叫Hotel Harvest，泊好車我哋就去check in，酒店係一般商務酒店格局，有d舊，房嘅冷氣亦比較弱，不過就尚算乾淨企理，我哋book 咗兩間雙人房，酒店亦都安排咗兩間房响隔離方便照顧。
放好行李休息一陣我哋就出去喇，由於時間仲早，我哋响附近嘅Aeon行下先食晚餐。我哋今晚食鳥取牛燒肉。呢度d牛肉幾好食，其他嘢都唔錯，不過呢餐唔平，同早幾日嘅國產牛燒肉比國產牛又低又好食。食完晚飯我哋去就買便利店買甜品，跟住就返酒店休息喇。
（day 5 完）
沒有留言:
發佈留言