噚晚好好瞓，今朝瞓醒梳洗後就去食早餐，早餐係自助形式，選擇都幾多。食飽之後出發，今朝我哋去秋間梅林賞梅，途經有d地方好靚，我哋都有落車映吓相。
終於去到目的地秋間梅林喇，梅林正係滿開，好靚，仲有陣清香。同櫻花好唔同，梅樹生得比較矮，可以好近距離接觸d花，映相出嚟效果好好。梅林面積好 大，可以俾我哋响梅樹之間散步，感覺好舒服。行完映完相好口渴，我哋去咗梅林外d小攤檔買飲品，見到有梅酒賣，試飲咗d又ok喎，買咗支返香港飲。
係時候食午餐，我哋揸車返酒店附近嘅 outlet 食飯，今餐食炸豬 扒，普普通通啦，食完飯就响outlet 行街，outlet 好大，大到連人工湖都有，我哋行到閂門都行唔曬所有舖頭，但都買咗好多嘢。shopping 完就去超市買
嘢今晚食。
返到酒店放底d嘢，見時間尚早我哋就去浸溫泉。溫泉入浴卷係免費附送，講真嗰句無乜期望，但又估唔到個溫泉又幾 ok喎，洛洛浸溫泉都浸得好開心，我仲同佢响露天溫泉一邊浸一邊數星星 。浸完溫泉就返房打邊爐，食飽就執好行李就瞓覺喇。
沒有留言:
發佈留言