生日遊日記 Day 2 - 東京 2009-03-16

由於噚日太攰，今朝大家都瞓到9點幾先起身，梳洗後 call fount desk 送早餐嚟。早餐係酒店供應，用個盒仔裝住，裏面有兩個飯團同一盒仔旦卷同蔬菜，都幾好食架，食完就出發去五反田 Akachan。

去到都已經11點幾，掃咗ｄ尿片奶粉 baby food 呢幾日用外，重買咗唔少衫仔玩具俾洛洛，當生日禮物啦。一輪 shopping 運動後我哋又肚餓啦，決定响 Akachan 樓下嘅和幸食炸豬扒，之前睇過人哋嘅 blog 講到好正咁，但我哋就覺得好麻麻。食飽再出發，跟住去池袋。

我哋其實最終意行池袋，貪夠集中，唔似新宿又亂又散，行咗西武 Muji 都買到嘢，再去埋さくらや買埋個 bb 用剪髮器，沿路去西友行超市，途經 Toyata 見到架 concept 車好型，好想入去睇吓，可惜已經閂咗門，唯有响隔住玻璃映吓相。

行到脚仔軟又係時候坐低食吓嘢抖抖，今晚我哋去居酒屋食晚飯。呢間居酒屋其實之前食開，佢哋嘅燒雞 pat pat 幾好味架！去到先叫咗兩杯大啤，再叫咗ｄ串燒同小菜，好味又低食。其間洛洛死要飲啤酒，係咁意俾咗ｄ佢「妹」吓，睇到ｄ口架妹 e哇鬼叫，猛話佢得意，隻衰仔成機撩ｄ姐姐玩，仲係咁同佢乾杯。老公話唔想迫尾班車，食完抖陣就返酒休息。