洛洛三月生日，攞咗一星期大假，俾籍口自己，趁佢兩歲前去旅行平好多，順利成章又計劃去旅行。首選目的地係日本。老公好想去東京，再加上之前睇過 Japan TV 介紹過輕井澤同草津覺得好正，行程就鎖定呢三個地方。原先有ｄ波折，差ｄ去唔成，臨出發前一星先決定如期出發，15 號上機 ，响曰本同洛洛慶祝生曰。
一早起身，洛洛知道有得去玩就好乖好合作，無乜扭計。7點多ｄ已經去到機場，等 counter 開咗就 check in ，check in 後由於時間尚早，先去嘆茶，再施施然入閘。我哋今次搭 JAL ，去到預定上機時間都未有得上機，原來班機 delay。半個鐘後有得上機喇，我哋好乖咁排隊，有個地勤姐姐好人，俾我哋優先上機，叫我哋排另一條隊。但轉頭見到佢俾個日籍啊姐醒，大意係我哋唔係日 本人，就算有細路都無權優先上機，我老公好惡咁望住嗰個阿姐佢先唔敢再鬧。其實都多鬼餘，有細路就算座邊間航空公司都有 piority bording ，係嗰個女人自以為日本人就高人一等，如果我去 JAL complaint 佢一定死哽。上咗機座定起飛，足足遲咗一個鐘，洛洛就一路瞓到差唔多落機先醒。
落咗機過咗海關攞完行李已經 4 點幾，响 JR service counter 買咗 N'EX+SUICA Card 嘅套票，趕到 4點48分班車出東京，途中一洛洛又再瞓番。到咗新宿再轉 JR 去大久保駅，搬行李出咗駅，兜咗個大圈先揾到酒店， check in 上房放好行李預備出發。
上到房開房門後嚇咗一跳，估唔到間房咁細，去咁多次東京都無住過咁細嘅房，商量後落去 fount desk 同職員講，睇吓可唔可以調房，個職員話可以，不過要補錢，佢篤完一輪計數機，再入去請示店長，出嚟同我哋講 free of charge！！不過要遲ｄ先得。無問題啦，我哋先去行街食飯，番嚟先轉房啦！
由於班機 delay 咗，原定去 Akachan 就改為聽日先去，今日就响新宿行吓街同食飯，行咗一陣見肚餓就樁咗上和民，求其食咗ｄ嘢就番酒店，番到酒店已經有得換房，同之前嗰間比新房大起碼1/3，連衛浴間都豪華好多。由於大家都好攰，沖完涼就上床休息嘞！
沒有留言:
發佈留言