今日係呢個trip最後一日，點幾已經起咗身，難得洛洛都咁早起咗身又唔扭計，就帶埋佢去浸多轉溫泉。浸完溫泉就去食早餐，早餐係set，都幾豐富 幾好味，食完返房攞咗行李就check out ，幫我哋check out個伯伯襟咗輪計數機，講咗堆唔明嘅日文，結論係每人平咗4仟yen，有得計平我哋哽係開心啦，至於原因就唔知嘞。check out 同時酒店職員會將架車揸嚟酒店俾我哋，但等咗一陣都唔見架車到，姑丈出去視察先知架車原來爆咗呔，酒店職員正好努力地幫我哋換緊呔，好彩而家發現，有人幫 手換，如果唔係幾麻煩。
換好呔上咗車我哋就揸車去河鹿橋，映吓相又出發喇。雖然食完早餐無耐，但我哋都好試吓伊香保嘅名物-水沢烏冬，食烏冬嘅舖頭裝修得好靚，而 佢哋賣嘅烏冬亦一流，入口彈牙爽滑，唔怪得又名絲鳥冬。其實我哋唔多肚餓，但實在太好味，食到一條烏冬都無剩，食完仲買咗ｄ乾麵條返香港食！
食飽就上車離開，直駛機場。由群馬縣到成田車程唔短，要成3個幾鐘。途中有警車截停我哋，話我哋超速，我哋同佢講我哋係遊客，趕住去機場佢先放我哋一馬，真好彩，如果唔係唔知要罰幾多錢！
去到成田先去 Aeon Mall 行咗一陣，再去日產還車，由曰產職員原車送我哋去機場， check in 咗行咗陣就上機返香港喇！
沒有留言:
發佈留言