暑假大旅行，今次目的地係好hit嘅昇龍道，不過我哋就去唔哂咁多個縣，只係去咗岐阜、愛知同三重縣。
今次我哋搭Jet Star，夜晚9點幾機出發，零晨2點去到大阪，好快咁過咗海關攞埋行李就行去响機場隔離嘅日航關西機場酒店 check in，食埋之前响便利買嘅小食就瞓喇。
瞓醒差唔到10點就起身，先去JR站內用每件￥2000寄送行李去京都嘅酒店，再搭南海電鐵機場急行，唔駛一個鐘就到咗難波站。原本諗住行一陣，但三儍份早餐可能太細份，行咗無耐就叫肚餓，所以我哋就去食午餐。
午餐我哋食壽司，食物水準都ok，魚生都算新鮮，由於肚餓嘅關係，我哋都叫咗好多嘢食，所以埋單都唔平，要萬一円。食完嘢就轉戰梅田繼續行街。
午餐我哋食壽司，食物水準都ok，魚生都算新鮮，由於肚餓嘅關係，我哋都叫咗好多嘢食，所以埋單都唔平，要萬一円。食完嘢就轉戰梅田繼續行街。
行到開始天黑，大家都有d攰，我哋就搭JR去京都，今明兩晚我哋會响之前住過嘅 Vessel Hotel 住，check in 拎埋之前由機場寄送過嚟嘅行李上房之後我哋就出去食晚餐。今晚去酒店附近食我哋最愛嘅燒肉放題，d燒肉依舊咁有水準，食到飽飽就去附近超市行買埋雪條返酒店食，食完去大浴場沖涼浸浴就休息喇。
（day 1 完）
沒有留言:
發佈留言