話說哥哥開始讀小一，唔可以話去旅行就請假去，所以由今年開始要去旅行就一定要旺季先有得去。鑑於一家5口皮費實在太重，而且想趁暑假玩盡d去2次旅行(係！無錯係2次），為咗減低成本所以選擇坐廉航。之前一路想去馬來西亞嘅Legoland，上年年尾已經開始睇定機票，見廉航Jetstard機票好低，6仟5蚊已買到暑假飛新加坡嘅，來回機票連稅加40kg行李，一於揼槌買定半年後嘅機票，再跟手book埋酒店同來回新山嘅包車，等到一開始放假就可以去玩。
廉航果然係廉航，出發前收到通知班機由上晝11點出發改到下晝3點班機話改就改，完全無say no嘅餘地，不過Jetstart都算係咁，不斷send e-mail提醒，好過去到機場先知仲激氣。雖然下晝飛，我哋都早少少去到機場，食完晏先去check in，可能因為寄行李要比錢，職員響check in時連手提行李都要砰，唔可以多過10kg。check in咗之後就乖乖地去閘口等上機喇！
終於上到機，大家坐定定等起飛，等完又等，等完又等，等足一粒鐘終於先起飛，無人問點解亦無人鼓燥，因為delay已經係廉航其中一個特色，可幸隻機 d 位尚算舒服冷氣又夠勁，3儍亦乖乖合作無扭計，困咗響位5個鐘終於到咗新加坡樟宜機場，落機過海關拎行李就搭地鐵出市區。由機場出市區好快，半個鐘左右就到，車費又平，都係SG$2.2。
我哋今晚嘅酒店係V Hotel Lavender ,響地鐵樓上，超方便，房就比較細，我地住3人房，閂埋房門都叫開到喼，有個大窗台可以放隨身行理，房間衛生麻麻其中一張床嘅被上有污積，不過只係瞓一晚，所以算數。
我哋今晚嘅酒店係V Hotel Lavender ,響地鐵樓上，超方便，房就比較細，我地住3人房，閂埋房門都叫開到喼，有個大窗台可以放隨身行理，房間衛生麻麻其中一張床嘅被上有污積，不過只係瞓一晚，所以算數。
由於班機delay,check in完已經9點幾，好彩酒店樓下有個24小時營業既food court，我哋求其叫咗d嘢食，都ok好味，食完就番房沖涼瞓喇！
(day 1完）
沒有留言:
發佈留言