還好食物質素都ok，食飽又出發去玩喇。今日我哋先去waterpark 玩，我哋先上房換好泳衣，就行去waterpark。我哋拎住combo ticket係2大1小嘅，2個小儍入legoland 係免費，不過入waterpark就要買張嬰兒，票價10蚊馬幣，送2條嬰兒游水褊。入場之後我哋先用20蚊馬幣租一個locker放底 d 貴重嘢再出去玩。好可惜Joker Soaker 要維修所以close 咗，得番Build-A-Raft ，Wave Rider同Splash Safari可以俾2個小儍玩，不過好彩佢哋都玩得好開心，至於哥哥就有玩其他滑水梯，仲話好好玩添。唔經唔覺玩咗3個半鐘，見開始肚餓就去換衫番房沖涼，再去legoland。
去到legoland先去食嘢，不過d嘢嘛嘛好食，食完就繼續去玩。
今日係最後一日響Legoland玩，所以玩儘 d，玩番噚日無玩過嘅遊戲，玩到差唔多閂門先匆匆忙忙走去legoland門口嘅紀念品店買Lego。其實d嘢唔算好平，價錢叫合理，不過去到又無理由唔買，見到三儍見到d Lego 雙眼發光個樣，最後都係乖乖俾錢。
去到6點legoland真係閂門，三傻先依依不捨咁離開。由於未肚餓住，我哋去附近商場買外賣拎番酒店，再落lobby俾三儍玩番夠本。
玩夠就番房沖涼食晚餐，今晚食泰國嘢，估唔到d嘢食凍咗但都仲好好味，食完仲一 d 都唔看口渴，正！食飽咗大家都好眼瞓，睇陣電視就瞓覺喇！
沒有留言:
發佈留言