三儍相隔上次旅行一個多月又再出動喇！今次目標係九州，其實原本目的地係大阪同岡山，唔知點解搞搞下變咗去九州；原本只係一家五口去，最後變咗加埋爺爺嫲嫲姑媽姑丈舅公舅婆等一行共13人一齊去玩。今次我哋都係自駕遊，但因為人多嘅關係，我哋要租三駕7人車先可以載曬所有行李同人，而亦因為有3駕車驚其中有車走失(雖然有GPS），所以我哋租咗pocket wifi，用what app 同 zello 聯絡，方便過打電話，亦唔犯法（日本用 walkie talkie犯法嘅呢）。
萬事俱備，一早出發去到機場，會合埋就一齊check in 過海關食早餐，食完早餐去閘口坐陣映下相就予備上機。由於我哋人多，所以迫住打散坐，好彩機程唔太長，二三少尚算合作，日本時間大概4點就到咗福岡機場，過咗海關拎咗行李就到租車公司攞車，搞好哂手續俾晒錢check 埋車大概5點半左右就出發去酒店。
今晚我地住別府嘅杉乃井ホテル，離福岡大概個半鐘車程，我哋中間停過中途站一陣，7點鐘左右就到目的地。酒店好大，除咗溫泉仲有水上樂園，不過可惜我哋行程幾趕，無乜時間留低玩。酒店房好大，係和洋式，即係有兩張床另加榻榻米，榻榻米可以再舖棉被瞓，由於我哋一家5口一間房，一齊瞓榻榻米會舒服過瞓床，所以今晚會瞓榻榻米。
萬事俱備，一早出發去到機場，會合埋就一齊check in 過海關食早餐，食完早餐去閘口坐陣映下相就予備上機。由於我哋人多，所以迫住打散坐，好彩機程唔太長，二三少尚算合作，日本時間大概4點就到咗福岡機場，過咗海關拎咗行李就到租車公司攞車，搞好哂手續俾晒錢check 埋車大概5點半左右就出發去酒店。
今晚我地住別府嘅杉乃井ホテル，離福岡大概個半鐘車程，我哋中間停過中途站一陣，7點鐘左右就到目的地。酒店好大，除咗溫泉仲有水上樂園，不過可惜我哋行程幾趕，無乜時間留低玩。酒店房好大，係和洋式，即係有兩張床另加榻榻米，榻榻米可以再舖棉被瞓，由於我哋一家5口一間房，一齊瞓榻榻米會舒服過瞓床，所以今晚會瞓榻榻米。
放好行李就落餐廳食晚餐，今晚食buffet，同香港嘅buffet唔同，佢哋嘅buffet無咁豪華，但都算多選擇，日式食物做主打，另有d西式食物，甜品選擇好多，仲有H牌雪糕，飲品任飲，不過啤酒等就要另外俾錢，最正係d牛肉話唒都係和牛，入口即溶，我哋食咗好多。
食飽哋就番房換衫去浸溫泉，溫泉d水質都ok，好舒服，連3少都浸得好開心，浸完溫泉我哋就番房整理行李瞓覺啦。
(Day 1完）
此留言已被作者移除。
回覆刪除