今日我哋就要返香港，所以要爭取時間，由於得半日，為咗慳時間，所以只響池袋活動。一早起身執好哂行李就摷醒3位少爺起身梳洗食早餐，搞掂哂就落lobby book埋去機場嘅巴士再出去行街。第一站係超市，我哋買咗大量零食同好靚嘅士多啤梨做手信，返酒店放低之後再行藥房，買護膚品化妝品同等等；終於夠鐘等到百貨公司開門喇，第一時間行西武，用咗唔夠半個鐘買咗銀包同手袋，仲要平香港幾百蚊，滿足！
由於要撘點幾嘅shuttle出機場，我哋要好趕咁返酒店，極速整理好行理就上車，好彩無留低是旦一件行李或其中一個細路。個幾鐘嘅車程之後終於到咗成田機場，我哋check in咗之後仲有好多時間先上機，所以先食午餐。求其入咗一間食天婦羅嘅餐廳食飯，哈！估唔到有驚喜喎！d嘢唔算貴之餘仲幾好食。食飽飽之後再行街，居然俾我見到某女裝牌子做8折，比響東京買更平，唔駛講緊係即掃啦，happy shopping 之後係時侯上機返香港啦，日本，我哋好快番嚟㗎！
（全文完）
沒有留言:
發佈留言