我地又飛喇，今次係我地一家三口第一次單拖去旅行。一早起身搭的士去到機場，順利 check in 後過咗海關就去食早餐，食完早餐行咗一陣就上機喇！由於洛洛仲未過10kg，我之前照舊 reserve 個 bb 籃俾佢，其實唔多夠長瞓架，不過佢又瞓得幾舒服喎！話咁快就到咗關西國際機場喇。
落機過關攞行李後，匆匆忙忙上咗南海電鉄去難波，唔記得去 JR reserve 定嵯峨野小火車嘅車票，搞到京都嗰日行程亂曬，真失敗！話說半個鐘多ｄ就到咗難波，我哋今明兩晚酒店就住位於難波駅上嘅南海大阪酒店，所以我哋 check in 咗放低行李先再出去。酒店房好大，張床係 king size bed ，浴室廁所亦唔係塑膠啤嚟嗰隻，整體感覺唔錯。
放好行李出發，先去本町 Akachan 買尿片奶粉食物俾洛洛呢幾日用，路過見到四天王拉麵，食飽再去心齋橋行街，行咗 Gap，Loft 同Tokyu Hands 等舖頭，再沿路行番難波，雖然一路行都好多野睇，好似好快行完，但行完其實都幾攰，返到酒店稍稍休息開始有ｄ肚餓，又再出發揾食。
今餐去居酒屋食，ｄ嘢都幾好味，不過都頗貴，兩個人都要成 8仟円落樓(我哋有飲啤酒同 sake)，食完再去便利店買雪糕做甜品，再返歸休息嘞！
沒有留言:
發佈留言