今日起身睇咗天氣報告，奈良天氣麻麻，決定更改行程，聽日先去奈良，今日響大阪 shopping 行街，早餐過後 check out，拎咗行李過咗一馬路之隔嘅一栄ホテル寄存。再出發行街。我哋先去無印行，但行完成棟都無嘢想買，之後再行0101，我就買咗對 boots 。跟住再徙步行去黑門市場。黑門市場都幾 local 街市 feel，換言之無乜好睇，同東京築地市場甚至乎函館潮市都差好遠，行咗一輪買咗ｄ魚生做消夜，行到街尾就揾到豆漿店，先叫咗兩杯，嬸嬸倒豆漿出嚟已經覺 得ｄ豆漿好濃，飲落口覺得同港式豆漿好唔同，因為無加糖，純悴只飲到豆嘅香味，但飲落又有豆天然嘅甜味，好正！連洛洛都飲到停唔到口，飲完一杯唔多夠喉再 追加多一杯，嬸嬸見我哋飲得咁開心就問我哋係咪好好飲，仲示意我俾隻杯佢，原來斟多大半杯送俾洛洛飲，真好人！飲完豆漿已經好飽，而且又拎住一堆嘢，所以 決定先番酒店。
返到酒店已經有得攞房，而之前寄存嘅行李亦已經幫我哋送埋去房。酒店房好大，有 tatami 外仲有兩張床，房間好明顯係舊酒店重新裝修，廁所頗舊，但房間就好新淨，好有 hip hotel feel，感覺唔錯。
放底ｄ嘢又再出發，先去本町 Akachan 行，再沿路行落心齋橋行街，由於ｄ豆漿實在太飽肚，我哋無食午餐，只係響心齋橋食咗個 pancake，跟住就一路行街，行到咁上下先肚餓，去四天王食拉麵做晚餐，跟住再返酒店食今朝嘅刺身做消夜，食飽飽就休息嘞！
沒有留言:
發佈留言