今日係第一日響富良野，第一個目的地係富田農場，由於 d 旅遊書話富田農場太多遊客，，今日早ｄ起身，食咗早餐就出發。去到見到已經泊滿旅遊巴，但好彩遊人唔算太多。踏入富田農場先見到一大片薰衣草田，雖然未盛 開，但巳經好開心，不斷咁映相，沿路行去再七彩花田；七彩花田比較遜色，好多花未開，如果遲ｄ嚟應該會靚ｄ。一路再行去小賣店，買咗ｄ薰衣草產品自用同做 手信，再去買薰衣草雪糕食，一路以為花味雪糕會好怪，點知原來勁好味。食完雪糕見遊客越嚟越多，就信步出口行，其間見到有薰衣草味布甸同乳酸賣，都買咗 試，但都唔及雪糕咁好味。食完又映吓相，再去買蜜瓜同玉米食，食完就起行去下一站。
下一站係富田農埸新開嘅 Lavender East，嗰度比較空礦，全部都係薰衣草，規模都頗大，陣陣風仲傳嚟薰衣草香味，行咗陣坐吓映吓相就出發去日之出公園。
左兜右兜吓摔之揾到日之出公園，公園ｄ花大部份都未開，有ｄ失望，不過勝在有片草地可以俾洛洛行吓，在加上可以居高臨下欣賞富良野境色，叫做補番 數。行咗仔位係時候食午餐啦，今日食芝士火煱，其實普普通通，不過叫做試吓咁啦，食完再去附近酒莊參觀試酒，買咗支 Rosa 就去食甜品 - 期待以久嘅雪糕佩半個蜜瓜。以為之前都食飽會食唔落，點知原來咁好味,當然食到乾乾淨淨啦！
吃飽再活動，下一站係麵包超人館，館外有個小水池俾小朋友玩水，隔籬仲有ｄ麵包超人公仔石像，映完相就入去放血啦！買咗ｄ衫仔同玩具俾洛洛，再上二 樓 gallary玩咗一陣，洛洛對高過佢嘅麵包超人同細菌小子公仔好有興趣，不斷咁來回走嚟走去，玩到人哋差唔多閉館我哋先走。
跟住我哋就番去市中心，由於今曰行咗好多路，對腳有ｄ攰，我哋就去咗浸足湯，再去隔籬嘅超大型超市買ｄ食物做早餐。行咗一輪又肚餓，今晚食簥麥麵，今餐好好味，簥麥麵好彈牙，食飽就去 Price Hotel 隔籬嘅時計之森行咗一陣，就返酒休息啦！
沒有留言:
發佈留言