花花世界@北海道 - Day 1 25/6/2008 香港＞函館

夜晚10點幾到達機場，予備乘搭 ANA 零晨機到東京，再轉機去函館，未出發先興奮，洛洛已經玩到顛咗。

由於已經掛咗8號風球，初初都有d 擔心班機會 delay，好彩最後都如期起飛，上到機都已經零晨時份，坐定定後大家都預備瞓覺，之前已經同航空公司 reserve 定 bb 籃俾洛洛，所以佢可以瞓得好舒服，航空公司仲預備咗份兒童餐俾洛洛，可惜佢唔多啱食，唯由我哋幫佢食咗佢啦！

朝早當地時間 6 點幾到達羽田機場，洛洛瞓醒又攪攪鎮，玩完一輪又瞓番，係時候又上機去函館喇！

準時到達函館機場，先去攞車，呢架就係未來 8 日車住我哋四圍去嘅 Elgrand 嘞！

由於已經好肚餓，先去食拉麵做午餐，食完再去酒店 check in，我哋今晚住渚亭， 一間期待已久嘅酒店，果然無令我哋失望，梳洗一嚇就出發嘞！

第一站先去酒店付近嘅西松屋補給，再去函館牛乳廠食雪糕，嗰度風景幾靚，hea 咗陣再上車出發去惠山岬。

個幾兩個鐘之後到達惠山岬，車程雖然遠ｄ，但絕對值得，有ｄ去到天涯海角嘅感覺，好靚！但可惜太大風，逗留咗一陣頂唔順要上車返歸。

返到酒店已經夠鐘食晚餐，今晚係食和室會席，ｄ嘢好好味，食飽再去浸溫泉，再返房休息嘞！

(day 1完)