今日係旅程最後一日,瞓醒覺梳洗後拎埋行李就 check out,行李寄存好响酒店之後我哋就搭 shuttle bus 去明洞食早餐。嚟咗咁多日,今日先有機會試下好出名 Isaac 三文治,去到已經大排長龍,不過好彩等咗唔係好耐就有得食。三文治嘅用料其實好簡單,都係我哋平時早餐食嘅火腿煙肉雞蛋芝士,但配合埋烤都好香脆,搽滿牛油嘅多士就好好味,幾份多士好快就俾三儍食哂。食飽我哋就响附近下一陣,再去首爾站行街。
首爾站有間好大嘅 Lotte Outlet,除咗超市之外仲有得行街買衫,行咗陣就去超市買手信,我哋買咗d好靚嘅梨同士多啤梨,仲有蛋糕就返酒店。拎埋行李就搭的士出機場。
去到機場 check in咗我哋先食嘢,估唔到機場餐廳d嘢都幾好食,價錢亦算合埋,食飽飯再食埋雪條做甜品,再買埋好可愛嘅公仔造型果汁俾三儍,我哋就上機返香港喇。
(全文完)
沒有留言:
發佈留言