今年暑假大旅行目的地都係日本，總共15日，會玩上北海道10日加東京4日，第一日係無節目，只係搭下晝機由香港飛到成田，不過難得今次唔係搭廉航，上機有得睇戲有飛機餐食仲有玩具派，所以三儍都好興奮。四個鐘機程好快過，但落咗機就要等咗差唔多兩鐘先過到海關，拎埋行李去到車站都已經十點半，失哂預算。
我哋聽日會搭內陸機北海道，所以今晚會响成田市瞓一晚，原本預算可以食埋晚餐，不過過海關用咗太多時間，去到酒店已經接近11點，所以只可以响便利店買飯團返酒店食。我哋今晚住成田Comfort Hotel。之前都住過，房唔算大但勝在舒服方便兼包埋早餐。食完簡單嘅晚餐我哋就休息啦。
（day 1 完）
沒有留言:
發佈留言