今日我哋就會返香港，由於夜晚8點先上機，所以今日仲有大半日可以慢慢行下。食完簡單早餐之後我哋就搭巴士去四条町行下，朝早嘅鴨川同花見小路無乜遊客，好舒服好好行，行到12點左右左右大家開始肚餓，就去返河原町食午餐。
我哋今日嘅午餐係燒牛肉丼飯，喺餐廳門口揀好要食嘅嘢買好飛，入去餐廳坐好張飛交俾店員就可以等食。雖然呢度只係得牛肉丼飯食，但都有唔同嘅款式同醬汁揀，牛肉丼飯好好食，牛肉鮮嫩多汁好有牛味，啲飯撈埋牛肉汁同特製嘅醬汁好好食，三儍好快就食完飯，食飽我哋繼續行街街。
我哋行多陣錦市場同Aeon Mall，就搭JR Haruka去關西國際機場，食完晚餐就上機預備返香港啦。
（全文完）
沒有留言:
發佈留言