一早起身食完簡單嘅早餐我哋就check out。噚晚天黑先到埗，所以今朝先見到馬路兩邊嘅金黃色嘅銀杏葉，襯埋籃色嘅天空好靚。我哋朝早先去梅田行街，行咗一朝雖然都無乜收獲，不過大阪站d燈飾同櫥窗裝飾好靚，可以映下相補返數。
午餐我哋去大起水產食壽司，味道鮮度不過不失，價錢唔算特別平，食完午餐行多陣我哋就搭JR去京都。
落到京都時間仲早，我哋先去京都站附近嘅Aeon mall 行下街再搭巴士去酒店check in。我哋今晚住嘅係之前住過嘅Vessel Hotel，不過今次我哋book間大少少嘅房。放好行李我哋就出去食晚飯。
今晚我哋食我哋最愛嘅燒肉放題，d 嘢同之前一樣咁好食，食飯我哋响附近超市行一陣買埋早餐就返酒店嘅大浴場浸浴，食埋蛋糕做甜品就休息喇。
（day 2 完）
沒有留言:
發佈留言