三儍襲北海道+東京 day 15 19/8/2018

今日我哋會返香港喇，一早起身食完早餐就去目白站附近散下步，跟住就返酒店check out，响酒店寄存行李之後就去池袋行街作最後衝刺。午餐就去返噚晚食唔到嘅美登利迴轉壽司。我哋未夠12點去到餐廳已經要開始排隊，不過好彩條龍唔算好長，排咗20分鐘左右就已經有得入坐。我哋照舊叫咗好多款壽司好似蟹、蝦、帶子、海膽等等，全部都好新鮮好好味，食到個個都捧住個肚。呢餐好低，埋單唔駛8仟円。

食飽飽我哋就返酒店拎埋行李出機場。去到機場見仲有時間同少少現金，我哋再食埋麥當勞就上機返香港啦。

（全文完）