噚晚嗰餐食得唔太飽，所以一早就餓醒咗，梳洗完就落去食早餐。早餐比想象中豐富(之前睇過其他人嘅blog講到無啖好食），至少有專人煎蛋。食飽之後就返房換衫去泳池游水。
酒店泳池都幾大，仲有兩個jacuzzi。哥哥就最興奮，好快就同爹爹落咗水，細佬初初落水都有d驚，但適應咗就玩得好開心，仲好努力咁踢水添，我哋玩咗一陣，大家都玩到累就返房沖涼小睡。
瞓醒又開始肚餓，我哋就出發去食嘢，今曰去 Greyhound Cafe食lunch，我哋點咗單骨雞翼、帶子甜醋沙律、虎蝦湯飯、脆魷魚河粉等，d嘢好好味，但都幾貴，埋單要1仟300幾bat。
食飽就去搵studio影家庭相，之前其實已經做咗資料搜集，但d料全部都係舊嘅，所以唔抱太大期望，結果係响Siam Square兜咗個圈都搵唔到嗰間studio，最後都係放棄，轉而去Asok行Teminal 21。
Terminal 21 係新開既mall，不過唔係幾啱行，而且今日係星期日，商場安排咗對band嚟表演，好嘈，我地行咗一陣就走，去Central行街街。Central做 緊玩具展，哥哥就最開心，響d玩具之中走嚟走去，比哥哥玩咗一陣就上頂樓既food hall食晚餐，食完再去樓下既超級市場買d生果就返酒店休息啦。
（day 2 完）
沒有留言:
發佈留言