今日全日去迪士尼，一早起身梳洗餐就撘JR到東京站轉車到舞浜站，車程唔駛1個鐘就到嘞。去到只係10點鐘左右，但已經好多人入咗場，去到conter換 咗入場卷後就即刻跑去 Monster Inc. 度攞 fast pass，但已經排到1555，攞完 fast pass 就開始玩其他 game，我哋玩咗: 1.加勒比海盜→洛洛驚到喊 2.叢林巡航→好開心，雖然聽唔明佢講乜 3.史迪仔→幾悶 4.星星火箭→洛洛居然唔驚，仲話想玩多一次 5.大賽車場→洛洛至愛。
玩咗一朝係時候午飯，我哋食 burger 解决。另玩其間有睇過 parade，而家做緊 Easter Wonderland ，parade ｄ車顏色全部係粉色，好靚！
食完再同洛洛玩多次大賽車場後，就玩 6.mini 過山車→洛洛玩個陣驚，玩完又話好好玩，玩咗一輪洛洛已經攰到瞓着咗，我哋就趁機行吓ｄ舖頭買紀念品。再整醒洛洛玩 Monster Inc.→普通好玩，ｄ公仔幾覩 8. 飛濺山，洛洛堅持要玩，玩完又係喊餐死。
唔經唔覺玩到6點半，我到去餐廳食 buffet ，食完啱啱好出去睇夢之光遊行，再睇埋超小型煙花就離開迪士尼，返酒店休息嘞！
沒有留言:
發佈留言