由於噚晚太早瞓，今朝好早就醒咗。我哋响房度食完早餐就出發嘞。第一站係酒店隔離嘅池袋防災館。上到去接待處先填咗份 form，就去體驗區度等玩走火警同地震避難，體驗之前有職員講解防災知識，不過全日文而且又冗長，洛洛都有ｄ唔耐煩，雖然體驗走火 警同地震避難都幾得意，但同時都幾嘥時間，我哋足足响度蹉跎咗1個鐘先走。
爭 取時間即刻落涉谷，今次撘地鐵副都心綫，比JR無咁方便但快ｄ同小ｄ人，好快就到咗涉谷嘞，應老公要求先食 lunch，我哋又去番次次都食嘅長龍壽司店排隊，等咗大概半個鐘左右就有得食嘞，我哋每人叫咗個等上壽司 ｓｅｔ，另外再加一客太卷俾洛洛食，雖然好好味，但份量實左太多嘞，最後好辛苦先食得哂。埋單時侍應哥哥仲請洛洛食糖添！
食飽响涉谷逛咗一陣，就去咗食杜如風介紹過嘅牛奶+牛奶雪糕，真係好牛奶，洛洛就食得最開心，食飽佢就午睡，我哋就沿路行去原宿，一路行一路買，好快就到黃昏，見時間唔早，我哋您袋行陣，再去西友買ｄ小食飲品等，再去食晚餐。
今晚去居酒屋食，d嘢 so far so good，但四圍ｄ人起勢煲煙，搞到洛洛係咁咳，快快趣趣食完就返酒店休息。
(day 2 完)
沒有留言:
發佈留言