相距上次東京之行只係4個幾月，我哋又出發喇(對上嗰次遊記仲未寫完呢！)！晚餐之後我哋就冒住大雨出發去機場，check in 後就乖乖响閘口等預備上機喇。今次我哋搭 ANA，個人認為航班時間、膳食及 service 都比 JAL 好。上機起飛無耐就食宵夜，食完就瞓覺啦。
瞓 吓醒吓，好快就到羽田機場，由於我哋朝早無乜行程，所以慢慢過咗海攞埋行李搭 monorail 到浜松町轉車到池袋，响池袋酒店放低行李再商量先去邊度。由於我哋帶唔夠衫(得10零度但係得夏天衫)，所以先去五反田嘅 Akachan 買衫俾洛洛著。 Akachan 已經換咗季，不過好彩都揾到件薄薄呢嘅外套俾洛洛，另外買咗ｄ小食飲品俾洛洛就返池袋嘞。
返到池袋又肚餓要食 lunch，見間拉麵店有人龍就跟住去食，點知瀨嘢，ｄ麵咸到條脷都鞋埋，ｄ湯油到不得了，碗麵難食到食唔晒，埋單走人，返酒店 check in。
呢幾晚我哋往池袋 Metropolitans，都算係間較高級嘅酒店，房間比一般商務酒店大，個 view 仲唔錯添，我哋攞咗房先沖個涼，再一家三口一齊眠一眠，瞓到5點幾起身就出去 shopping 嘞。
首 站先去無印，係唔抱有任何希望嘅情况下居然俾老公揾到件開胸衛衣，仲要做緊特價，二話不說即買卽著，到我响 Parco 買到件厚外套，仲要係幾靚嘅！今次一家三口總萛唔駛凍死响東京街頭！好彩嘅事繼績有，俾我發現迪士尼做緊 promotion，大人比原價平1仟円，拿拿林响 JTB 買定入場券先！
買完嘢又肚餓啦，今晚响酒店咐近食燒海鮮，唔，好好味呀！食飽再去7仔買雪糕返房食啦！
沒有留言:
發佈留言