2019年8月24日星期六

三儍襲山陰山陽 day 2 29/7/2019

今日全日都係响大阪行街街。起身梳洗後就去食早餐,我哋原本呢兩晚酒店係唔包早餐,不過見到酒店嘅poster話早餐有黑門市場直送嘅吞拿魚刺身,而且價錢又唔算貴,所以額外加錢買早餐卷。早餐質數果然唔錯,吞拿魚刺身好新鮮,其他早餐種類都好豐富好好食,食飽飽我哋就出去。


我哋先去酒店附近嘅超市行下買d飲品返酒店,再正式出去梅田行街。由於早餐食得太飽,而晚餐會早食,所以我哋行到咁上下就去咗coffee shoptead嘢雪糕甜品好好食,食完抖夠行多陣街就去食晚餐。


我哋今晚食燒肉放題,呢間燒肉放題好受台灣人歡迎,所以我哋有預先book定位,不過只係book 5點半。呢度嘅放題定價比較貴,但肉嘅質素就好好,牛肉香甜嫩滑,牛內臟無羶味,蝦嘅蝦味好濃好新鮮,連配角嘅雞同豬肉都好好食,需然之前驚咁早食晚餐會食唔落,但因為食物質素好好,大家都食唔停口,食到飽飽再食埋一人一份嘅豪華甜品就埋單。呢餐連飲放題要一萬五千円左右,唔平但值回票價。食飽飽我哋就响心齋橋行多陣街先返酒店休息喇。



day 2 完)

沒有留言:

發佈留言