Day 9
今日係最後一日留响名古屋，起身食完簡單嘅早餐之後就check out，揸車去返尋日去過嘅金城埠頭，嗰度除咗有Legoland之外，仲有我哋今日會去嘅磁浮鐵路博物館。大人入場費1000円小童500円，我哋俾咗入場費就入場喇，一入去就見到最新嘅磁浮列車，再行入去就見到好多唔同款，有新有舊嘅列車，仲有好少見嘅Dr Yellow，除咗唔同嘅列車外，博物館仲陳列咗好多列車唔同嘅部件同有關列車操作原李嘅模型。我哋响呢度逗留咗差唔多兩個鐘就揸車離開喇。
大概兩個鐘嘅車程，我哋就到咗滋賀龍王三井outlet。到埗先食午餐，我哋今餐揀咗食壽司，食物水準叫中規中矩，無乜驚喜，價錢亦唔算平，食完就响 outlet行街街，不過就無乜收獲，所以就提早離開outlet，揸車返落京都。
返到京都我哋先去酒店check in，今晚我哋都住VesselHotel，不過今次住間房大d，舒服d兼方便執行李。之後就去還車，再去酒店隔離食燒肉放題，食完就返酒店執行李休息喇。
（day 9 完）
Day 10
今日我哋會返香港，食完早餐我哋就check out ，拎埋行李去租車公司攞車之後就直接揸車離開京都，去關西國際空港附近嘅 Aeon Mall行街買d生果返香港做手信。跟住就去機場check in 搭飛機返香港喇。
（全文完）
沒有留言:
發佈留言