食完就番上房執好行李check out喇，因為今日會番香港，剩低嘅時間唔係太多，所以要用儘佢。我哋先去酒店附近嘅Akachan買小朋友嘅衫褲玩具，再去附近嘅Aeon Mall，行下，當然唔少得去超市買生果肉食等番香港慢慢享用同做手信。滿載而歸pack好哂戰利品後就預備出機場喇！
出機場途中途經一蘭，見有d肚餓就入去食個拉麵，由於二、三儍瞓咗覺，所以我同哥哥先入去食。我哋先响自動販賣機買咗想食嘅麵就搵位坐底，其實今個trip都係第一餐食拉麵，而嚟日本咁我都係第一次嚟一蘭食嘢，所以都有d期待。個麵嚟喇，湯底好香濃，麵夠彈牙，好食！我唔太好拉麵嘅都好快食哂，哥哥就直頭食到停唔到口，我哋好快食完就輪到爹爹食，之後再出發到機場喇。
雖然有d塞車，但因為預鬆咗時間出機場所以時間都好鬆動，我哋還好車就去check in，二三少因為瞓咗未食晏，所以同佢哋去食嘢，食完味度麻麻嘅蕎麥麵京就過海關。
响免稅店買咗d特產手信就上機喇。
（全文完）
沒有留言:
發佈留言