一早起身到機場，去到HK Express櫃台已經人頭湧湧，check in 咗之後先去食 lunch，再予備上機。班機有少少delay，遲咗大半個鐘先起飛，機程3個鐘多d，到埗都已經差唔多6點，過咗海關拎埋行李就撘巴士出博多。
福岡有度好，就係市區同機場嘅距離好近，只係20分鐘車程就到博多駅，而我哋住嘅酒店就係响博多駅對面嘅Comfort Hotel，酒店真係好舊，而且一d都唔平，但撞正日本假期兼可以一間房住哂一家5口唧選擇唔多，呢間已經叫有得揀當中比較好d。上到房真係嘩一聲叫咗出嚟，因為真係超殘舊，而且地毯好污糟，唯有自己同自己講：只係2晚啫，有床瞓有涼沖就得喇。
放好行李係時候出去行下，我哋先去酒店附近嘅電器舖買data 咭，再上樓上食燒肉放題，由於未有位，我哋留低名之後就行陣，到指定時間再返嚟食飯。呢間燒肉放題其實香港都有分店，但呢度嘅唔知點解好食好多，牛肉好甜，連豬肉都好香，食到飽飽都連飲放題一家5口都唔駛8仟円，食飽大家都已經好攰，所以就返酒店休息喇。
（Day 1完）
沒有留言:
發佈留言